Euskaldunen historiaren aztarnen zaintzak

Euskadiko Artxibo Historikoa

Eusko Jaurlaritzaren dokumentu-ondarean espezializatutako kultura-zerbitzua da, eta bere helburua da ondasun komun hori gordetzea, herritarrei hurbiltzea, balioan jartzea eta haren erabilera erraztea.

1936an sortutako Eusko Jaurlaritzaren eta partikular, familia, enpresa eta erakunde askoren balio historikoko dokumentazioa gordetzen du.

Artxiboak dokumentu-funtsak gorde, antolatu, deskribatu, digitalizatu eta zabaltzen ditu web-orri honetan. Bere xedea eta izaera Euskal Autonomia Erkidegoko Dokumentu-kudeaketa Integralari eta Dokumentu-ondareari buruzko ekainaren 23ko 5/2022 Legeak eta lege hori garatzen duten erregelamenduek arautzen dituzte.